O Wert Thou In The Cauld Blast

O wert thou in the cauld blast,
On yonder lea, on yonder lea,
My plaidie to the angry airt,
I'd shelter thee, I'd shelter thee,
Or did misfortune's bitter storms
Around thee blaw, around thee blaw,
Thy bield should be my bosom,
To share it a', to share it a'.

Or were I in the wildest waste,
Sae black and bare, sae black and bare,
The desert were a Paradise,
If thou wert there, if thou wert there.
Or were I monarch o' the globe,
Wi' thee to reign, wi' thee to reign,
The brightest jewel in my crown
Wad be my queen, wad be my queen.

poem by Robert Burns
Added by Veronica Serbanoiu
Comment! | Vote! | Copy!

'Twas Na Her Bonie Blue E'e

'Twas na her bonie blue e'e was my ruin:
Fair tho' she be, that was ne'er my undoin.
'Twas the dear smile when naebody did mind us.
'Twas the bewitching, sweet, stoun glance o' kindness!

Sair do I fear that to hope is denied me,
Sair do I fear that despair maun abide me;
But tho' fell Fortune should fate us to sever,
Queen shall she be in my bosom for ever.

Chloris, I'm thine wi' a passion sincerest,
And thou hast plighted me love o' the dearest,
And thou'rt the angel that never can alter -
Sooner the sun in his motion would falter!

poem by Robert Burns
Added by Veronica Serbanoiu
Comment! | Vote! | Copy!

My Love, She's But A Lassie Yet

My love, she's but a lassie yet,
My love, she's but a lassie yet!
We'll let her stand a year or twa,
She'll no be half sae saucy yet!

I rue the day I sought her, O!
I rue the day I sought her, O!
Wha gets her need na say he's woo'd,
But he may say he has bought her, O.

Come draw a drap o' the best o't yet,
Come draw a drap o' the best o't yet!
Gae seek for pleasure whare ye will,
But here I never miss'd it yet.

We're a'dry wi' drinkin o't,
We're a'dry wi' drinkin o't!
The minister kiss't the fiddler's wife-
He could na preach for thinkin o't!

poem by Robert Burns
Added by Poetry Lover
Comment! | Vote! | Copy!

Go Fetch To Me A Pint

Go fetch to me a pint o wine,
And fill it in a silver tassie;
That I may drink, before I go,
A service to my bonie lassie:
The boat rocks at the Pier o' Leith,
Fu' loud the wind blaws frae the Ferry,
The ship rides by the Berwick-law,
And I maun leave my bonie Mary.

The trumpets sound, the banners fly,
The glittering spears are ranked ready,
The shouts o' war are heard afar,
The battle closes deep and bloody.
It's not the roar o' sea or shore,
Wad make me langer wish to tarry;
Nor shouts o' war that's heard afar-
It's leaving thee, my bonie Mary!

poem by Robert Burns
Added by Poetry Lover
Comment! | Vote! | Copy!

The Tear-drop

Wae is my heart, and the tear's in my e'e;
Lang lang Joy's been a stranger to me:
Forsaken and friendless, my burden I bear,
And the sweet voice o' Pity ne'er sounds in my ear.

Love thou hast pleasures, and deep hae I lov'd;
Love, thou hast sorrows, and sair hae I prov'd;
But this bruised heart that now bleeds in my breast,
I can feel by its throbbings, will soon be at rest.

Of, if I were - where happy I hae been -
Down by yon stream, and yon bonie castle-green;
For there he is wand'ring and musing on me,
Wha wad soon dry the tear frae his Phillis' e'e

poem by Robert Burns
Added by Poetry Lover
Comment! | Vote! | Copy!

Tear-drop, The

Wae is my heart, and the tear's in my e'e;
Lang lang Joy's been a stranger to me:
Forsaken and friendless, my burden I bear,
And the sweet voice o' Pity ne'er sounds in my ear.

Love thou hast pleasures, and deep hae I lov'd;
Love, thou hast sorrows, and sair hae I prov'd;
But this bruised heart that now bleeds in my breast,
I can feel by its throbbings, will soon be at rest.

Of, if I were - where happy I hae been -
Down by yon stream, and yon bonie castle-green;
For there he is wand'ring and musing on me,
Wha wad soon dry the tear frae his Phillis' e'e

poem by Robert Burns
Added by Poetry Lover
Comment! | Vote! | Copy!

I Dream'd I Lay

I dream'd I lay where flowers were springing
Gaily in the sunny beam;
List'ning to the wild birds singing,
By a falling crystal stream:
Straight the sky grew black and daring;
Thro' the woods the whirlwinds rave;
Tress with aged arms were warring,
O'er the swelling drumlie wave.

Such was my life's deceitful morning,
Such the pleasures I enjoyed:
But lang or noon, loud tempests storming
A' my flowery bliss destroy'd.
Tho' fickle fortune has deceiv'd me-
She promis'd fair, and perform'd but ill,
Of mony a joy and hope bereav'd me-
I bear a heart shall support me still.

poem by Robert Burns
Added by Poetry Lover
Comment! | Vote! | Copy!

Farewell to Ballochmyle

The Catrine woods were yellow seen,
The flowers decay'd on Catrine lee,
Nae lav'rock sang on hillock green,
But nature sicken'd on the e'e.
Thro' faded groves Maria sang,
Hersel' in beauty's bloom the while;
And aye the wild-wood ehoes rang,
Fareweel the braes o' Ballochmyle!

Low in your wintry beds, ye flowers,
Again ye'll flourish fresh and fair;
Ye birdies dumb, in with'ring bowers,
Again ye'll charm the vocal air.
But here, alas! for me nae mair
Shall birdie charm, or floweret smile;
Fareweel the bonie banks of Ayr,
Fareweel, fareweel! sweet Ballochmyle!

poem by Robert Burns
Added by Veronica Serbanoiu
Comment! | Vote! | Copy!

Fairest Maid on Devon Banks

Fairest maid on Devon banks,
Crystal Devon, winding Devon,
Wilt thou lay that frown aside,
And smile as thou were wont to do?
Full well thou know’st I love thee, dear!
Could’st thou to malice lend an ear!
O! did not love exclaim “Forbear,
Nor use a faithful lover so.”

Then come, thou fairest of the fair,
Those wonted smiles, O let me share;
And by thy beauteous self I swear,
No love but thine my heart shall know.
Fairest maid on Devon banks,
Crystal Devon, winding Devon,
Wilt thou lay that frown aside,
And smile as thou were wont to do?

poem by Robert Burns
Added by Veronica Serbanoiu
Comment! | Vote! | Copy!

Behold the Hour, the Boat, Arrive

Behold the hour, the boat arrive;
Thou goest, the darling of my heart;
Sever'd from thee, can I survive,
But Fate has will'd and we must part.
I'll often greet the surging swell,
Yon distant Isle will often hail:
"E'en here I took the last farewell;
There, latest mark'd her vanish'd sail."
Along the solitary shore,
While flitting sea-fowl round me cry,
Across the rolling, dashing roar,
I'll westward turn my wistful eye:
"Happy thou Indian grove," I'll say,
"Where now my Nancy's path may be!
While thro' thy sweets she loves to stray,
O tell me, does she muse on me!"

poem by Robert Burns
Added by Veronica Serbanoiu
Comment! | Vote! | Copy!