Ngomile (NgePhumulani High School)

Nsengwakazi okukade yayibancelisa
Ngiphuzise kwelemivemve
Ngiphuzise kolumnandi uju
Ngiph' engingenakuliphucwa muntu
Oluyifa laphakade

Mangaki amankonyane osuwancelisile?
Mingaki imivemve owayincelisa maqede yavulek'izingqondo?
Nsengwakazi ngikanye nemivemve yakho
Ngikhuhlwe inkungu yokungazi
Ngiphuzise kolwamaqhawe akho

Ngihole ngengalo uze uyongingenisa ezikhungweni zenzululwazi
Lapho ngiyotshakadula izinkalo namathafa
Ngitshakadule ubusuku nemini
Ngizilungisel'ukunqoba ubumnyama
Ngiphume sengihlomis'okukaNodumehlezi kaMenzi

poem by Phiwe Mbatha
Added by Poetry Lover
Comment! | Vote! | Copy!